උගතමනා ශිල්පයමයි මතු රැකෙනා අප අසා ඇති පැරණි කියමනකි-මතු අනාගතය දීප්තිමත් වන්නට අප උගත්තෙකු විය යුතු ය-අධ්‍යාපනය මිනිසාගේ පොදු අවශ්‍යතාවලින් මූලික අවශ්‍යතාවයකි-සමාජයේ උගත් බුද්ධිමත් පුද්ගලයෙකු වශයෙන් කටයුතු කිරීමට නම් නිසි අධ්‍යපනයක් පුද්ගලයෙකු ලැබිය යුතු ය-
සී ඩබ් ඩබ් කන්නන්ගර මහතා උදා කර දුන් නිදහස් අධ්‍යාපනයේ ආලෝකයෙන් සිය දහස් ගණන් දරු දැරියන්ගේ මතු අනාගතය ආලෝකමත් විය-විද්‍යෝදය විද්‍යාලංකාර පිරිවෙණ මුල් කර ගනිමින් දස දහස් ගණන් විද්‍යාර්ථීහු දැනුම් සම්භාරයක් ලබා ගත්හ-ඔවුහු අධ්‍යාපනයේ අගය වටිනාකම් හදුනා ගත්හ-ඒවා මතු පරම්පරාවට කියා දුන්හ-අධ්‍යාපනය යනු අප උර මත පැටවුණ වගකීමක් බව ඔවුහු පසු පරම්පරාවට කියා දුන්හ-එය රැක ගැනීමේ අයිතිය ඔවුන්ට පවරා දුන්හ-
එකී වගකීම කරපින්නා ගත් ලාංකේය සරසවි ශිෂ්‍ය ප්‍රජාව වගකීම් ඉටු කරන්නට යාමේදි අද ලැබෙන්නේ බැටන් පොලු ප්‍රහාරයි- නැතහොත් කදුළු ගෑස් ප්‍රහාරයි- නූතනයේ අධ්‍යාපනයේ අගය හරිහැටි නොදත් ඇතම් මුග්ධ පාලකයෝ අධ්‍යපනයට මිලක් නියම කරති- හාස්‍යට බදුන් වන කරුණ අධ්‍යපනයට මිලක් නියම කිරීමට තරම් අධ්‍යාපනයක් එවැන්නන් සතු දැයි යන්නයි- නිදහස් අධ්‍යාපනය සුරැකීම අප සතු යුතුකමක් නොව එය අප උර මත පැටවුණ වගකීමකි- සරසවියේ බිත්ති පුරා ලොකු අකුරින් ලියා ඇති එම පාඨය දැක දැකත් දෑස් නොපෙනන අයෙකු සේ සිටිය හැකි නම් අද සරසවි ප්‍රජාව හා රජය අතර ගැටුම් නැත- වෛද්‍ය උපාධියට මුදලක් නියම කිරීම තුළ වෛද්‍ය වෘත්තියට ඇති වටිනාකම සමාජයේ අද කොතැනද? අතීතයේ ජීවකයන්ගේ රාජකාරිය මිල නොවූ අමිල සේවාවකි- රට පුරා රෝගි ජනයාගේ ජීවිත අවධානමේ හෙළමින් මුදල පසුපස යමින් ඇත්තාට ඇති හැකි අයුරින් සලකන සමාජය අධ්‍යාපනයට මිලක් නියම කිරීම අරුමයක් ද නොවේ-
nice...
ReplyDelete